මුදල් අමාත්‍යාංශය -

දක්ෂිණ අධිවේගී මාර්ගය හා සම්බන්ධිත ප්‍රවේශ මාර්ග ප්‍රතිසංස්කරණය සඳහා ආසියානු සංවර්ධන බැංකුවෙන් රුපියල් මිලියන 9,347 ක මූල්‍යාධාර

ශ්‍රී ලංකාවේ ප්‍රථම අධිවේගී මාර්ගය වන දක්ෂිණ අධිවේගී මාර්ගයට ඉතා පහසුවෙන් හා වැඩි කාර්යක්ෂමතාවයකින් ප්‍රවේශවීම සඳහා ඊට සම්බන්ධ වන අනෙකුත් ජාතික මහාමාර්ග පුනරුත්ථාපනය කිරීමට රුපියල් මිලියන 9,347.61(ඇමෙරිකන් ඩොලර් මිලියන 85.0) ක මූල්‍යාධාරයක් ලබාදිමට ආසියානු සංවර්ධන බැංකුව එකඟතාවය පලකර ඇත.  මෙම ව්‍යාපෘතිය සඳහා වැයවන මුළු මුදල රුපියල් මිලියන 11,613 (ඇමෙරිකානු ඩොලර් මිලියන 105.6)ක් වන අතර, එමගින් දක්ෂිණ අධිවේගී මාර්ගයට ප්‍රවේශවිමට ඇති මාර්ග 6 ක් පුනරුත්ථාපනය කිරීමට අපේක්ෂිය.

රාජ්‍ය ආයතන සඳහා විද්‍යුත් මුදල්හුවමාරු ක්‍රමවේද භාවිතා කිරීම තුළින් කාර්යක්ෂම මූල්‍ය වෙළඳපොළක් ඇති කිරීම.

විද්‍යුත් ක්‍රම (Electronic Media)මගින් රාජ්‍ය ආයතන වෙත ගෙවීම් කිරීම මැයෙන් 2010.11.20 දින නිකුත් කරන ලද රාජය මුදල් චක්‍රලේඛ 447ට වැඩිමනත් පැහැදිළි කිරීම් හා ක්‍රමවේදයන් හඳුන්වා දෙමින් රාජ්‍ය ආයතන සඳහා විද්‍යුත් මුදල් හුවමාරු ක්‍රමවේද භාවිතා කිරීම තුළින් කාර්යක්ෂම මූල්‍ය වෙළඳපොලක් ඇති කිරීම මැයෙන් රාජ්‍ය මුදල් චක්‍රලේඛ අංක 453 නිකුත්කර ඇත.

ජාත්‍යන්තර මූල්‍ය වෙළඳපොළ සමඟ කාර්යක්ෂමව සම්බන්ධ වීම සඳහා සහඑම ප්‍රමිතීන්ට අනුකූළ වන පරිදි දේශීය මූල්‍ය වෙළඳපොළ හැසිරවීම අරමුණු කරගෙන ඉහත විධිවිධානයන් හඳුන්වා දී ඇත. තවදුරටත් කියවන්න ...

"ව්‍යාපාරික ආර්ථිකයට 2012 අයවැයේ සහාය" පශ්චාත් අයවැය සම්මන්ත්‍රණය

රාජ්‍ය පරිපාලන හා ස්වදේශ කටයුතු අමාත්‍යාංශය සංවිධානය කළ "ව්‍යාපාරික ආර්ථිකයට 2012 අයවැයේ සහාය"("Budget 2012 - Towards Supporting an Enterprise Economy")පශ්චාත් අයවැය සම්මන්ත්‍රණය 2011.12.12 දින කොළඹ, බණ්ඩාරණායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්විණි. එම සම්මන්ත්‍රණයේදී භාණ්ඩාගාරයේ ලේකම් ආචාර්යය පී. බී. ජයසුන්දර මහතා විසින් ආරාධිත දේශනය පැවැත්වූ අවස්ථාව.