திரு ஏ.கே.செனவிரத்ன இலங்கை காப்புறுதி நம்பிக்கை நிதியத்தின் (NITF) தலைவர் பதவிக்கு நியமிக்கப்பட்டுள்ளார்

தேசிய வரவு செலவு திட்ட திணைக்களத்தின் மேலதிக பணிப்பாளர் நாயகம் திரு. ஏ.கே.செனவிரத்ன, 15.02.2012இலிருந்து பதில் கடமை அடிப்படையில் இலங்கை தேசிய காப்புறுதி நம்பிக்கை நிதியத்தின் தலைவர் பதவிக்கு நியமிக்கப்பட்டுள்ளார்.

இலங்கை நிருவாக சேவையின், வகுப்பு 1 அதிகாரியான திரு.செனவிரத்ன இலங்கை காப்புறுதி நம்பிக்கை நிதியத்தின்  பணிப்பாளர் சபையின் உறுப்பினர் ஒருவராவார்.

எரிபொருள் / மின்சார செலவுகளை சமாளிப்பதற்காக அரசாங்கத்தின் சிறப்பு வழிமுறைகள்

தேசிய வரவுசெலவு திட்ட திணைக்களம் 16.02.2012  ஆம் திகதியன்று நாட்டிற்கு ஒரு எடுத்துக்காட்டாக அமையும் வகையில் வரவுசெலவுத் திட்ட சுற்றறிக்கை ஒன்றைவெளியிட்டுள்ளது. இச் சுற்றறிக்கை அரசதுறையில் அமைச்சுக்களின் செயலார்கள், திறமையான மற்றும் செலவு குறைந்த முறையில் எரிபொருள்/மின்சாரம் பயன்பாட்டிற்கு பொறுப்புக் கூறும் வகையில் அமைந்துள்ளது.

எரிபொருள் மற்றும் மின்சாரத்திற்கான உள்ளூர் சந்தை விலை திருத்தப்பட்ட இந்நிலையில்அனைத்து அரசு நிறுவனங்களும் எரிபொருள் மற்றும் மின்சார நுகர்வினைக் குறைப்பதற்கு முன்னுரிமை வழங்க வேண்டும். இந் நடவடிக்கைகளிற்கான அரசின் நோக்கமானது போக்குவரத்து மற்றும் மின்சார உற்பத்திக்காக செலவிடப்படும் எரிபொருள் இறக்குமதியினைக் கட்டுப்படுத்தி, பெறுமதியான அந்நிய செலாவணியை சேமிப்பதாகும். மேலும்,  அரசு அதன் கீழ் வரும் நிறுவனங்களில் மாற்று எரிசக்தி மூலங்களில் கவனம் செலுத்த வேண்டும் எனவும், இவ்வசதிகளை மேம்படுத்தவும், எரிபொருள் / மின்சாரம் நுகர்விற்கான திறமையான தொழில்நுட்ப முறைகளினை அறிமுகப்படுத்தவும்பொருத்தமான நடவடிக்கைகளை எடுக்க வேண்டும் எனவும் எதிர்பார்க்கின்றது. சுற்றறிக்கை (சிங்களம்)

"உருமஅருண" திட்டம் ஆரம்பிக்கப்பட்டது

தேசிய மரபுரிமைகள் அமைச்சானது, வரலாற்றுப் பிரசித்தி பெற்ற கட்டிடங்கள், தளபாடங்கள் மற்றும் உபகரணங்களினைப் பாதுகாக்கும் பொருட்டு, இவ்வரலாற்று மதிப்பு வாய்ந்த இடங்களின் பாதுகாப்பு தொடர்பான நடவடிக்கைகளை முன்னெடுத்துச் செல்லும் முகமாக“உரும அருண”எனப்படும்பாதுகாப்பு நிதியம் ஒன்றினை நிறுவுவதற்கான திட்டம் ஒன்றினை வகுத்துள்ளது. வரவு செலவு திட்டம் 2012 இல் முன்மொழியப்பட்டதற்கிணங்க, அம்பாந்தோட்டை கச்சேரி, யாழ்ப்பாண கோட்டை, கொழும்பு தபால் தலைமையகம், இரத்தினபுரியின் பண்டைய கச்சேரி மற்றும் மும்தாஜ் மஹால் போன்ற பழங்கால கட்டிடங்கள் பிராந்திய அருங்காட்சியகங்களாக பராமரிக்கப்படவுள்ளதாக தேசிய மரபுரிமைகள் அமைச்சின் செயலாளர் திருமதி. காந்தி விஜேதுங்க தெரிவித்தார்.

சலுகை விதிமுறைகளின் கீழ் மோட்டார் வாகனங்கள் இறக்குமதி செய்தலிற்கான அனுமதி தொடர்பான வர்த்தக, தீர்வைகள் மற்றும் முதலீட்டுக் கொள்கைகள்சுற்றறிக்கை திருத்தப்பட்டுள்ளது.

அரச சேவையில் மற்றும் பொது தொழில்முயற்சி நிறுவனங்களில் பணியாற்றும் நிருவாகம்,  முகாமைத்துவம் மற்றும் தொழில்முறை அதிகாரிகளிற்கான சலுகை ரீதியான மோட்டார் வாகனங்களின் இறக்குமதி / புதிய பாகங்களைப் பயன்படுத்தி உள்நாட்டில் உற்பத்தியாகும் மோட்டார் வாகனங்களின் கொள்வனவு சம்பந்தமான இல. 1/2010 உடைய, 10.02.2010ஆம் திகதிய, வர்த்தக,தீர்வைகள் மற்றும் முதலீட்டுக் கொள்கைகள் சுற்றறிக்கை திருத்தப்பட்டுள்ளது.

இதன்மூலம் அரச சேவை மற்றும் பொது தொழில்முயற்சி நிறுவனங்களில் பணியாற்றும் இச் சலுகையை அனுபவிக்கும் உரிமையுடைய அலுவலர் பிரிவுகள் விரிவாக்கப்பட்டுள்ளது. முக்கியமாக,  கடந்த காலத்தை விடவும் குறுகிய சேவைக் காலத்துடன் அதிகாரிகள் இச் சலுகையை அனுமதிக்கும் உரிமை வழங்கப்பட்டுள்ளது. சுற்றறிக்கை (சிங்களம்)

புதன்கிழமை, 22 பெப்ரவரி 2012 14:08 அன்று இறுதியாக இற்றை செய்யப்பட்டது

நிதி அமைச்சின் கண்காட்சிப் பிரிவினை அலங்கரிக்கும் சோளப் பந்தல்பொதுமக்களுக்கான ஏலத்தில்

கருத்தாக்கம்: கலாநிதி.பீ.பி.ஜயசுந்தர, திறைசேரியின் செயலாளர்

வடிவமைப்பு மற்றும் கட்டமைப்பு: - பிராந்திய அபிவிருத்தி வங்கி

½  ஏக்கர் நிலத்தில் பெறப்பட்ட 03 மெட்ரிக் டன் சோளம், கண்காட்சியின் இறுதி நாளான 12.02.2012 அன்று பொது ஏலத்தில் விற்கப்படும்.

வியாழக்கிழமை, 09 பெப்ரவரி 2012 12:20 அன்று இறுதியாக இற்றை செய்யப்பட்டது

2012தயட கிருல -ரஜரட அபிவிருத்தியின்புத்துயிராக்கம்

தயட கிருல-தேசத்தின் மகுடம் தேசியகண்காட்சியானது, வரலாற்றுப் பிரசித்திபெற்ற, உள்நாட்டு பண்பாடு மற்றும் நாகரீகத்தின் பிறப்பிடம் என குறிப்பிடப்படும் அனுராதபுரம் நகரில்தேசியசுதந்திர தினத்துடன் ஆரம்பிக்கப்பட்டு தற்போது நடைபெறுகின்றது.

இக்கண்காட்சி கடந்த காலங்களில் கொழும்பு நகரிற்குவெளியேஇரண்டு முறை, பல்லேகல மற்றும் புத்தள ஆகிய இடங்களில் நடாத்தப்பட்டிருந்தமை குறிப்பிடத்தக்கது. தயட கிருலவின்இவ் ஆறாவது கண்காட்சியின் முக்கியத்துவமானது, இது வெறுமனே ஒரு விழாவாக மட்டுமன்றி நாட்டின் சுபீட்சத்திற்கு வழி வகுக்கும் ஒரு அபிவிருத்தி மையமாக திகழ்வதாகும்.

வியாழக்கிழமை, 09 பெப்ரவரி 2012 12:16 அன்று இறுதியாக இற்றை செய்யப்பட்டது